A Deputación de Ourense quere resaltar no mes de outubro a contribución que fan á economía e ao progreso social da provincia as mulleres emprendedoras, especialmente as que dinamizan o medio rural.

​

En outubro, desenvolveranse varias actividades para poñer en valor o emprendemento feminino; entre as accións previstas organizarase un encontro de emprendedoras para dar visibilidade a actividades empresariais que teñen un especial impacto na provincia desde un punto de vista social.

​

No marco deste obxectivo desde a área de Benestar ábrese o mércores 6 de agosto o prazo de solicitudes do novo programa provincial de axudas para contribuír á visibilidade do emprendemento en igualdade.

A Deputación de Ourense lanza o novo programa de apoio ao emprendemento feminino cuxo obxectivo é axudar ás mozas emprendedoras a dar maior visibilidade aos seus proxectos e actividades empresariais, especialmente a través do asociacionismo e a creación de redes de emprendedoras.

A administración provincial quere contribuír a que as novas empresarias busquen fórmulas colaborativas para mellorar a súa formación e o posicionamento das súas empresas e das súas colaboracións no ámbito dixital.

A axuda que poden solicitar as emprendedoras consiste en que no mes de outubro abóneselle o 50% do SMI (salario mínimo interprofesional).